Феликс од јануари во Премиер лигата

Португалскиот репрезентативец Жоао Феликс, сака да си замине од Атлетико Мадрид и да се пресели во Премиер лигата, пишуваат француските медиуми.

Откако извршниот директор на Атлетико, Анхел хил Марин призна дека имало конгфликт помеѓу Феликс и тренерот Симеоне, јасно е дека Португалецот ќе го напушти клубот.

Порталот „Ле 10 спорт“ пишува дека ПСЖ нема намера да го купува Феликс бидејќи во нападот ги има Мбаше, Меси и Нејмар и дека Португалецот ќе избира меѓу Арсенал и Манчестер јунајтед.

Во Арсенал сакаат да го ангажираат Португалецот уште во зимскиот преоден рок како замена за повредениот Габриел Жесус, додека Манчестер јунајтед го гледа како идеален наследник на Кристијано Роналдо.