УЕФА го објави најдобриот тим во историјата (ФОТО)

УЕФА денес го објави најдобриот тим во Лигата на шампионите од почетокот до сега, а во истиот доминираат играчи од Шпанија.

Критериумот беше едноставен – играчите кои биле најмногу избирани зо тимот на годината. Во овој тим за играчи кои играле во Премиер лигата имаше само три места.

Најбројни се играчите на Реал и Барселона, клубови кои од последните десет трофеи во Лигата на шампионите освоија дури осум.

На голот е сегашниот чувар на мрежата на Порто, Икер Касиљас, кој својата слава ја стекна носејќи го дресот на Реал Мадрид.

Одбраната е составена од Серхио Рамос, Карлес Пујол, Пике и Филип Лам, единствениот играч кој не е член на Реал или Барселона бил фудбалер на Баерн.

Во средината се поранешниот капитен на Ливерпул, Стивен Џерард и поранешните фудбалери на Барселона Чави Ернандез и Андрес Иниеста.

Ударното трио е составено од Кристиано Роналдо, Тиери Анри и Лионел Меси.