Тепачка на фудбалски натпревар во Тетово, сопственикот дозволил публика на стадионот

Четворица фудбалери на фудбалскиот клуб Дирта од тетовското село Боговиње заработиле кривични пријави откако го нападнале тренерот и еден од членовите на стручниот штаб на ФК Гостивар.

Покрај четворицата фудбалери, кривична пријава има и за сопственикот клубот кој во време на пандемија и забрана за навивачи дозволил да има публика на стадионот.

„СВР Тетово поднесе кривична пријава против Г.Б (31), Н.М (32), Н,М (35) и Б.А (23), сите од Боговиње поради постоење основи за кривично дело „насилство“ и против С.М (37) од Боговиње поради сомнение за сторено кривично дело „непостапување според здравствените прописи во време на епидемијаЗ“, соопштија од МВР.