Тен Хаг: Фудбалерите се на моја страна, медиумите лажат

Атмосферата во Манчестер Јунајтед не е на завидно ниво после лошите резултати, а клубот денес им се намути на новиварите.

Медиумите кои пренесоа дека менаџерот Ерик Тен Хаг почнува да ја губи довербата во соблекувалната денес не беа повикани на пресконференција. Притоа, тренерот ги демантираше таквите тврдења на медиумите.

„Секогаш ги слушам моите играчи и секогаш им давам можности да кажат, доколку играчите имаат поинакво мислење секако дека ќе слушам. Ама ми немаат кажано, можеби еден или двајца. Ама генерално се работи за мнозинството, тие сакаат да играат вака- проактивно, динамично, храбро, тоа е она што го сакаат“.

„Фудбалерите се на моја страна. Приказните во медиумите се лага. Не постои хаос во соблекувалната. Играчите не ми го свртеле грбот. Секогаш постојат фудбалери кои не се среќни премногу зашто не добиваат минутажа, но тоа е нормално“, изјави Тен Хаг.