Хетафе тргна по Санчо, но зделката нема да оди лесно

Џејдон Санчо повторно е во центарот на трансферски разговори, откако шпанскиот прволигаш Хетафе испратил официјална понуда за негов ангажман.

26-годишниот поранешен англиски репрезентативец во моментов е без договор, откако соработката со Манчестер Јунајтед му завршила на крајот од минатата сезона. Сепак, и покрај конкретниот чекор од клубот од Ла Лига, англиските медиуми посочуваат дека реализацијата на овој трансфер би можела да биде многу тешка.

Хетафе очигледно бара засилувања со повеќе искуство, а интересот за Санчо доаѓа во период кога клубот се наоѓа на 14. позиција на табелата во шпанското првенство. Во текот на оваа недела, тимот веќе доби едно звучно име, бидејќи во составот пристигна и поранешниот долгогодишен фудбалер на Реал Мадрид, Дани Карвахал.

Санчо зад себе има и репрезентативно искуство со Англија. Во периодот од 2018 до 2021 година настапи на 23 натпревари за националниот тим, а низ клупската кариера беше дел од Борусија Дортмунд, Челзи и Астон Вила.

Засега останува отворено прашањето дали Хетафе ќе успее да ја заврши работата, но јасно е дека интерес за Санчо и понатаму постои. Иако моментално е слободен играч, евентуалното преселување во Шпанија, според најавите, нема да биде едноставна операција.