Суарез позитивен на коронавирус, го пропушта дербито против Барселона

Уругвајскиот напаѓач Луис Суарез е позитивен на коронавирус.

Овој викенд ни се враќа лигашкиот фудбал, а едно дерби ќе одиграат Атлетико и Барселона. Многумина го чекаа првото соочување на Суарез со поранешниот клуб, но од тоа нема да има ништо.

Фудбалскиот сојуз на Уругвај потврди дека Суарез е позитивен на коронавирус. Суарез игра одлично на почетокот од новата сезона во дресот на Атлетико и сигурно ќе му недостига на својот тим во еден од најважните натпревари сезонава.

На десет одиграни натпревари Уругваецот постигна пет погодоци и запиша една асистенција.