Се појави незадоволство кај играчите на Барселона

Дел од фудбалерите на Барселона се разочарани од работата на медицинскиот тим на клубот, пренесуваат шпанските медиуми.

Некои од фудбалерите почнуваат да го ставаат под знак прашалник професионализмот на лекарските бидејќи се незадоволни од тоа што се случува со Френки де Јонг.

Неодамна Холанѓанецот се здоби со повреда на десната нога, а лекарите првично му ја погрешија дијагнозата.

Постои веројатност Де Јонг да го пропушти остатокот од сезоната, а самиот тој размислува да се врати во Холандија и да се лечи со тамошните доктори.

Сержи Роберто и Осман Дембеле се другите повредени фудбалери кои нема да можат да играат на вечерашниот меч против Атлетик Билбао на „Камп Ноу“.