Сестрата на Нејмар им возврати на навивачите на ПСЖ: Какви одвратни и невоспитани луѓе сте вие!

Сестрата на Нејмар, Рафаела Сантос возврати на навивачите на ПСЖ на Твитер.

Вчера навивачите на ПСЖ во натпреварот против Ним во првото коло од француското првенство испратија јасна порака дека Нејмар не е пожелен во Париз.

Навивачите во текот на натпреварот истакнаа транспаренти со пораки против Нејмар, а покрај тоа и скандираа против Бразилецот.

Поради таквото однесување на навивачите на социјалните мрежи се огласи сестрата на Нејмар која жестоко ги нападна.

„Какви одвратни и невоспитани луѓе сте вие. Се уште го сакате мојот брат во вашиот тим. Без него нема ништо да освоите. Одје*ете!“, напиша Рафаела.

На тој нејзин твит следуваа бура од коментари од навивачите на ПСЖ после што Рафаел го избриша твитот, а подоцна и нејзиниот Твитер профил беше избришан.