Рио Фердинанд знае како играчите на Манчестер Јунајтед можат да го запрат Меси

Манчестер Јунајтед вечерва игра против Барселона на „Олд Трафорд“ во првиот натпревар од четвртфиналето од Лигата на Машионите.

„Црвените ѓаволи“ ги изненадија сите со пласманот во четвртфиналето, бидејќи во осмина финалето сите ги отпишаја во дуелот против ПСЖ. Сепак, екипата на Оле Гунар Солскјер направи големо изненадување, а навивачите се надеваат дека истото можат да го направат и против Барселона.

На „Олд Трафорд“ најмногу се плашат од Лионел Меси и тоа со причина, бидејќи во минатото им правеше многу проблеми. Тоа се однесува на двете финалиња во Лигата на Шампионите кои ги доби Барса, а по гол во двата натпревари постигна токму Меси.

Поранешниот дефанзивец на Јунајтед, Рио Фердинанд се огласи пред овој натпревар и им кажа на играчите на неговиот поранешен клуб како да го запрат Меси. Иако тој немаше многу добро искуство со Аргентинецот очигледно многу научил од тоа.

„Барса има свој начин на игра и врши притисок кога вие ја имате топката. Тоа е игра на надмудрување и мораме да бидеме внимателни. Но, се се сведува на тој мал човек – Лионел Меси. Не смеат да му дадат премногу простор и мораат да бидат многу блиску до него, бидејќи знаеме што се тој може да направи. Сигурен сум дека Солскјер има план за него и се надевам дека ќе успее. Дефанзивците мораат да знаат дека секогаш треба да бидат блиску до него и не смеат да му даде да дише“, изјави Фердинанд.