Рашфорд го заслужи тоа: Манчестер Јунајтед го наградува младиот напаѓач?

Маркус Рашфорд наводно е на чекор од склучување на нов долгорочен договор со Манчестер Јунајтед.

Рашфорд помина низ Академијата на клубот и се испостави како еден од клучните играчи на Јунајтед, но 21-годишниот играч има само 15 месеци од сегашниот договор. Јунајтед има можност да го продолжи на уште една година, но преговорите се се уште во тек околу условите кои значително ќе ја покачат неговата плата.

Според „The Mirror“, двете страни за сега се во напредни преговори околу договорот кој на Рашфорд ќе му донесе 70 милиони фунти за пет години. Рашфорд неодамна го привлече интересот на Барселона и Реал Мадрид, но Англичанецот сака да остане во сегашната екипа.