Преговорите во напредна фаза: Дембеле се поблиску до „Олд Трафорд“

Манчестер Јунајтед до крајот на преодниот рок сака да се засили со квалитетен крилен напаѓач, а најнова мета е Осман Дембеле.

Со оглед на фактот дека Џејсон Санчо е прескап и тешко дека ќе ја напушти Борусија Дортмунд, Дембеле се претвори во примарна цел на „црвените ѓаволи“.

Дембеле не ги оправда очекувањата на „Камп Ноу“, па Барселона е спремна да го продаде, а за неговата слобода бара 80 милиони евра.

Преговорите помеѓу двата куба се во напредна фаза, а Манчестер Јунајтед сака да го донесе Французинот на едногодишна позајмица со право на откуп следното лето.

„Црвените ѓаволи“ понудиле 10 милиони евра за позајмица и 60 милиони евра за откуп.