Почина тренерот со кој Панчев и Најдоски во Звезда ја освоија светската титула

Легендарниот фудбалер и тренер на Црвена Звезда Владица Поповиќ почина денес на 86 години објавија од црвено-белите.

Поповиќ е стратегот кој на Звезда и го донесе еден од најголемите успеси во историјата кога во 1991 година ја освои светската титула. Дел од тој состав на Звезда беа и Македонците Илија Најодски и Дарко Панчев.

Како играч Поповиќ дресот на Звезда го носеше од 1953 до 1966 година и успеа да дојде до петтото место на вечната листа по бројот на одиграни натпревари за Звезда.

Освен за Звезда играше уште за Штутгарт, Штутгарт кикерс и Депортиво Канарианс од Венецуела каде и што ја заврши кариерата.