Потврдено: Милан преговара со ѕвездата на Вердер

Милан е силно заинтересиран за напаѓачот на Вердер и косовски репрезентативец, Милот Рашица, пренесува „Билд“.

„Билд“ открива дека косовскиот репрезентативец во договорот со Вердер има откупна клаузула од 38 милиони евра. Меѓутоа, двата клуба почнале преговори бидејќи Милан не е спремен да ја плати таа сума.

Оваа сезона Рашица игра фантастично и на 34 меча постигна 11 гола и запиша 8 асистенции за Вердер. Покрај Милан силен интерес за крилниот напаѓач покажуваат уште Ливерпул и Лајпциг.

Новиот тренер на „росонерите“ Ралф Рагник одлично го познава фудбалерот и сака да го донесе на „Сан Сиро“.

Директорот на Вердер потврди дека двата клуба ги започнале преговорите, а трансферот би требало да изнесува околу 20 милиони евра.