Потврдени две заминувања од Манчестер Јунајтед

Манчестер Јунајтед на крајот на оваа сезона ќе направи „чистка“ во соблекувалната бидејќи одредени фудбалери веќе не се во плановите на Оле Гунар Солскјер.

„Црвените ѓаволи“ во својот играчки кадар имаат повеќе играчи отколку што им е потребно, а Солскјер изгледа дека веќе направил селекција кој ќе остане и кој ќе замине.

Помеѓу играчите кои ова лето сигурно ќе го напуштат „Олд Трафорд“ се Аргентинците Маркос Рохо и Серхио Ромеро.

Договорите на овие играчи истекуваат на крајот од сезоната и од англискиот клуб потврдија дека истите нема да бидат продолжени и дека Ромеро и Рохо можат да си заминат како слободни играчи.

Рохо во Јунајтед пристигна од Спортинг и во овој момент е позајмен во Спортинг, додека Ромеро во клубот дојде од Сампдорија, но никогаш не се избори да биде прв голман.