Погба во проблеми – Ниту најдобриот НЕ знае што СЕГА?

Сите се во дилема, но изгледа работите не одат во посакувана насока.

Имено, повредата на Погба како што пренесуваат англиските медиуми  е навистина комплицирана и докторите не се сигурни дали фудбалерот да биде опериран или да се обидат со конзервативен третман.

Како што истакнува Сакари Орава, еден од најпознатите хирурзи кога станува збор за вакви повреди, ниту тој не е сигурен што е подобро.

„Дембеле мораше да биде опериран, но ова е поинаку. Овој проблем е настанат како последица на многу околности, замор на мускулите, неочекувани промени и пресврти, мозокот работи побрзо од нозете“, изјави познатиот хирург.

Со операција Погба би бил надвор од терените повеќе од четири месеци, но сигурно би бил целосно опоравен. Од друга страна пак доколку не биде опериран, тој ќе се врати порано, но би можел да ризикува нова повреда.

Мурињо истакна дека навистина не знае кога Погба ќе се врати на теренот. Јунајтед мора да одлучи и тоа во текот на оваа недела…