
Шпанецот Давид Де Геа изрази солидарност со младиот голман на Тотенхем, Антонин Кински, откако беше заменет по само 17 минути на натпреварот против Атлетико на стадионот Метрополитано. До тој момент, Кински прими три гола, при што два беа последица на негови грешки. Голманот на Фиорентина ја покажа својата поддршка за 22-годишниот Чех, кој се најде под остри критики.
Зошто проблемот со улични кучиња СÈ УШТЕ постои? | Уште еден поткаст
Де Геа на платформата X сподели: “Никој што не бил голман не може да ја разбере тежината на оваа позиција. Држи ја главата горе, ќе се соземеш”.
No one who hasn’t been a goalkeeper can understand how difficult it is to play in this position.
— David de Gea (@D_DeGea) March 10, 2026
Keep your head up and you will go again.
Голманот кој својот пат започна во Атлетико Мадрид, сигурно беше задоволен од победата на неговиот поранешен клуб, но истовремено можеше да се поврзе со голманот на поразената екипа.. Дури и тој, во периодот на својата кариера, особено додека играше за Манчестер Јунајтед, често беше подложен на критики за грешки во Англија и Шпанија.