Перишиќ призна: За малу ќе играв за Манчестер Јунајтед…

Играчот на Интер, Иван Перишиќ призна дека летото 2017. година бил многу близу до трансфер во Манчестер Јунајтед.

Тогаш и медиумите многу шпекулираа дека хрватскиот напаѓач ќе ја промени средината и ќе си замине во Премиер лигата, но на крајот сепак остана во Интер. Денеска, нешто повеќе од година дена подоцна, Перишиќ во разговор за магазинот „FourFourTwo“ објасни како тоа се случило.

„Вистина е дека на масата имав понуда од Манчестер Јунајтед и бев многу блиску до заминување од Интер. Но, на крајот одлучив да останам. Спалети сакаше да ми даде голема улога во тимот. Во фудбалот мали детали во ваквите ситуации можат да пресудат“, изјави Перишиќ.

Потсетуваме, тој оваа сезона запиша вкупно 18 настапи во сите натпреварувања и постигна два гола со две асистенции