Ова се менаџерите кои се кандидирани за наградата „менаџер на месецот“ во Премиер лигата

Како и секој месец, така и овој, во Премиер лигата се избира менаџер на месецот каде што за јануари има три номинирани стратези.

Шон Дајч (Барнли), Оле Гунар Солскајер (Манчестер Јунајтед) и Ралф Хасенутл (Саутемптон) се тренерите кои се во номинација за наградата која во Премиер лигата традиционално се доделува секој пат на почетокот на следниот месецот.

Шон Дајч со Барнли во јануари одигра четири натпревари од кои издвои две победи и два нерешени резултати. Барнли на почетокот на месецот успеа да ги победи Хадерсфилд и Фулам и да постигне позитивен резултат на гостински терен против Вотфорд и Манчестер Јунајтед.

Оле Гунар Солскајер од кога пристигна во Манчестер Јунајтед го препороди големиот гигант. Норвежанецот веќе 9 натпревари не знае за пораз (8 победи и еден нерешен резултат). Манчестер Јунајтед во јануари успеа да ги победи Њукасл, Тотенхем и Брајтон и да освои еден бод против Барнли.

Ралф Хасентул во јануари имаше постигнато слични резултати како и Шон Дајч. Саутемптон во јануари успеа да ги победи Лестер и Евертон, а да постигне нерешен резултат против Челзи и Кристал Палас.

Поранешниот напаѓач на Јунајтед кој сега од клупата го предводи клубот е најголем фаворит за освојување на оваа награда. Сите вие можете да гласате на официјалниот сајт на Премиер лигата до понеделник (4 февруари).