НБА ѕвездата за своето сиромашно, но среќно детство: Продавав очила за сонце и часновници – бев најдобриот продавач!

Денес е една од најголемите ѕвезди во најсилната кошаркарска лига НБА и нема никакви проблеми со финансиите, но во неговото детство бил приморан да се снаоѓа.

Грчкиот кошаркар Јанис Адетокумбо зборуваше за своето сиромашно, но како што кажува тој среќно детство.

Имено, Адетокумбо откри дека како дете бил приморан да продава очила за сонци и часовници на улиците со цел да заработи „џеперлак“.

„Знаете беше тешко. Немавме многу пари, но секогаш бевме среќни и никогаш не ни недостасуваше среќа. Во тоа време кога беше тешко сите бевме во една соба, иста соба, но се забавувавме. На улиците продавав очила за сонце и часовници. Морам да се пофалам дека бев најдобриот продавач бидејќи никогаш не се откажував. Им бев симпатичен, не се одвојував од нив се додека не купат нешто“, зборуваше Адетокумбо.