Кризата на Милан продолжи и против АЕК во Лига Европа, па притисокот кон Винченцо Монтела додатно се зголеми и медиумите се почесто пишуваат за неговиот отказ.
Иако со ремито во Атина „росонерите“ останаа на правата позиција во групата, сепак загрижува слабата игра и малкуте шанси кои ги создаваат избраниците на Монтела.
Време е за спектакл: Македонија - Белгија! ↓↓↓
„Тимот има квалитет, а фудбалерите се амбициозни и работат добро, а тоа е најважното. Пред неколку недели создававме повеќе шанси, но во одбрана правевме повеќе грешки. Во второто полувреме бевме подобри и можевме да победиме. Играчите се бореа до крај и тоа ми се допаѓа“, изјави Монтела.
Италијанските медиуми се сигурни дека мечот со Сасуоло може да биде последен за Монтела доколку Милан не успее да победи.
„Што се однесува за мојот отказ, веќе се навикнав од страна да го гледам сопствениот погреб пред секој натпревар. Најважно за мене е дека раководството има доверба во мојата работа“, заклучи италијанскиот стратег.
Учество во игри на среќа е дозволено за лица со 18+ години. Играј одговорно!