Марковиќ сепак останува на „Енфилд“

Трансферот на српскиот фудбалер Лазар Марковиќ од Ливерпул во Андерлехт пропадна во последните секунди од трансфер периодот.

И покрај тоа што клубовите се договорија за трансфер со откупна клаузула од 3,3 милиони евра, со осигурани 50% од следната продажба на Ливерпул, Марковиќ не успеа да се договори со бриселскиот клуб околу висината на платата.

Инаку, српскиот интернационалец влезе во последната година од неговиот договор со Ливерпул и на неделно ниво би требало да заработува околу 40,000 евра, што Андерлехт не можеше да го обезбеди.

Претходно интерес за Србинот покажа и грчкиот ПАОК, но договорот не беше постигнат. Марковиќ за Ливерпул постигна три гола во 34 натпревари во сезоната 2014/15, но од таа година не одигра ниту еден натпревар за „Црвените“. Во меѓувреме беше на позајмица во Фенербахче, Спортинг, Хале и Андерлехт.

Српскиот фудбалер на „Енфилд“ пристигна летото 2014. година за 25 милиони евра.