Манчестер Јунајтед преговара со Вернер

Манчестер Јунајтед е во потрага по нов напаѓач во зимскиот преоден рок, а најново име на списокот е Тимо Вернер.

Вернер помина две сезони во Челзи, каде пристигна за 55 милиони евра, но „сините“ не беа задоволни од неговиот придонес и го продадоа во Лајпциг.

Вернер не добива голема минутажа во Лајпциг, па се очекува во јануари да се врати во Премиер лигата.

Таквата ситуација сака да ја искористи Манчестер Јунајтед, кој бара засилување во нападот и веќе започнал преговори со германскиот клуб.