Манчестер Јунајтед и Арсенал се борат за потписот на Невеш

Арсенал и Манчестер Јунајтед се силно заинтересирани за плејмејкерот на Вулверхемптон Рубен Невеш.

Португалецот е голема желба на тренерот Артета, кој во него гледа идеално засилување за средниот ред после заминувањето на Себаљос и Одегард.

Вулверхемптон е спремен да го пушти Невеш, но за неговата слобода бара 35 милиони фунти, а Арсенал веќе ги започна преговорите.

Сега во трката за потписот на португалскиот плејмејкер се вклучи и Манчестер Јунајтед бидејќи „црвените ѓаволи“ бараат засилувања за средниот ред. На лето заминуваат Погба и Матиќ, па Јунајтед сака да донесе најмалку еден врвен играч за врска.

Сепак, Арсенал е во предност во моментов бидејќи подолго време преговара со неговиот агент Жорге Мендеш.