Македонецо Игор Тоскоски и на 44 години „решава“ натпревари во Германија 🎥

Македонецот Игор Тоскоски и на 44 години во улога на тренер и играч уште еднаш го покажа своето искуство и квалитет во германската 4-та лига.

Овој пат во решавачка улога како многу пати до сега за неговата ХСВ Аполда каде пред неколку месеци ја започна и тренерската кариера.

Во 45-тата минута на семафорот стоеше изедначен резултат помеѓу ХСВ Аполда и гостинскиот тим Глаухау Меране во рамките од четвртфиналето од Германскиот аматерски ракометен куп, каде повторно помеѓу стативите застанува популарниот “Тосе” и два едно подруго пенали ги одбранува со што му овозможи на неговиот тим да се оддели со значителна разлика, за на крај да победат со 30:23.

Тоскоски на теренот се задржа 10-тина минути и со своето искуство придонесе да се пласира неговиот тим ХСВ Аполда на фајнлфорот помеѓу четирите аматерски екипи во купот на Германија.