Лоши вести за навивачите на Манчестер Јунајтед пред натпреварот со Барселона

Утре од 21:00 часот Манчестер Јунајтед ја дочекува Барселона во рамките на четвртфиналето од Лигата на Шампионите, а најверојатно ќе биде без помошта на неколку фудбалери.

Денеска на тренингот на Манчестер Јунајтед не се појавија четворица фудбалери. Немања Матиќ, Андер Ерера, Ерик Баи и Антонио Валенсија не беа на тренингот на Солскјер, прашањето е само што е вистинската причина и дали некои од нив четворица утре ќе излезат на теренот против Барселона.

Маркус Рашфорд тренираше со остатокот на екипата и најверојатно ќе биде подготвен за утрешниот натпревар, исто како и Алексис Санчез. Она што е сигурно е дека Немања Матиќ вчера нормално тренираше со остатокот од екипата.