Лејкерси после седум години обезбедија плеј-оф! (ВИДЕО)

Рано утрово по наше време силите во „Стејплс Центарот“ ги одмерија Лејкерси и Бакси.

Беше тоа дуел на двете екипи со најдобар учинок во досегашниот дел од НБА сезоната, а Лејкерси на свој паркет стигнаа до победа со резултат 113:103. Така франшизата од Градот на анѓелите го обезбеди плеј-офот на 21 натпревар пред крајот од регуларниот дел од сезоната. Ова ќе биде прв пле-оф за Лејкерси од 2013 година.

Бакси беа подобри во првото полувреме, но Лејкерси пред заминувањето на одморот го анулираа заостанувањето. Така после две четвртини резултатот гласеше 48:48.

Домаќините во третата четвртина брзо стигнаа до двоцифрена предност која порасна и до +15. Го решија Лејкерси натпреварот во третата четвртина, па во последната само ја довршија работата.

Лејкерси беа предводени од Леброн со 37 поени, 8 скокови и 8 асистенции, го следеше Дејвис со 30 поени и 9 скокови. Кај Бакси најдобар беше Јанис Антетокумпо кој натпреварот го заврши со 32 поени и 11 скокови.

Порзингис и Дончиќ го одведоа Далас до победа против Мемфис (121:96). Порзингис натпреварот го заврши со 26 поени и 11 скокови, додека Дончиќ уфрли 21 поен.

Одлична вечер одигра Црногорецот, Никола Вучевиќ кој во победата на Орландо над Минесота (118:132) оствари дабл-дабл со 28 поени и 12 скокови.

НБА резултати:

Вашингтон – Атланта 118:112

Бруклин – Сан Антонио 139:120

Њујорк Никси – Оклахома 103:126

Бостон – Индијана 102:108

Минесота – Орландо 118:132

Индијана – Мајами 110:104

Далас – Мемфис 121:96

Феникс – Портланд 127:117

Лејкерси – Милвоки 113:103