Легендарниот фудбалер објави: „Слушнав дека Лампард тргнува по Меси“

Откако Лионел Меси поднесе официјално барање до клубот за раскин на договорот, почна да се шпекулира за клубот каде ќе ја продолжи кариерата.

Се споменуваат многу големи тимови, претежно оние кои се во можност да му ги исполнат условите на Аргентинецот. Во прв ред се Манчестер Сити и ПСЖ, потоа Манчестер Јунајтед, Јувентус, а сега и Челси.

Токму Челси ова лето донесе неколку ѕвезди како Тимо Вернер, а би требало да дојдат и Тиаго Силва и Хаверц, а сега почна да се шпекулира дека Лампард тргнал и по Меси. Тоа го објави легендарниот дефанзивец на Манчестер Јунајтед, Рио Фердинанд.

„Слушнав дека Лампард тргнува по Меси“ – напиша Фердинанд на Твитер.

Останува да видиме како ќе се одвива целата ситуација околу иднината на Меси.

Just heard Frank Lampard is now in for #messi
Some window this if Lamps pulls this off !!

— Rio Ferdinand (@rioferdy5) August 25, 2020