Ковачиќ конечно влезе подготвен во новата сезона откако имаше големи проблеми со повреди поради што во претходната сезона речиси и да не играше.
Пред почетокот на подготовките, овој 32-годишник имаше разговори со челниците на Манчестер Сити откако Енцо Мареска го замени Пеп Гвардиола на клупата на Граѓаните, и сакаше да знае каков статус ќе има со промената на тренерот.
Меѓутоа, како што пишуваат Спортскеке новости, Ковачиќ доби порака од Мареска дека ќе смета на него и дека ќе игра во новата сезона и ќе биде прв избор во средниот ред.
Ковачиќ имаше неколку настапи во почетната постава на почетокот на сезоната, но кога Манчестер Сити реши да даде дури 145 милиони евра за доаѓањето на Ензо Фернандез од Челси, беше јасно дека токму искусниот Хрват ќе биде во загуба.
Додека почнаа шпекулации дека Мареска сака да го доведе аргентинскиот играч од средниот ред, Ковачиќ повторно побара состанок и разговараше за својот статус, но и тогаш доби одговор дека сериозно се смета на него и дека ќе игра.
На Ковачиќ му беше јасно дека доаѓањето на Енцо значи и огромна конкуренција во средниот ред, но и дека Мареска повеќе ќе го фаворизира Аргентинецот бидејќи тој инсистираше на трансферот, а и дека момчето платено речиси 150 милиони евра не може да седи на клупа.
На Етихад се однесоа многу некоректно кон Ковачиќ бидејќи дури последниот ден од трансфер периодот му соопштија дека сепак ќе го пуштат да оди ако најде нов клуб.
Меѓутоа, во последните 24 часа од трансфер периодот, Хрватот беше речиси во мат позиција. Беше нереално да се очекува дека ќе заврши трансферот иако имаше понуди од Турција, Саудиска Арабија и Италија.
Учество во игри на среќа е дозволено за лица со 18+ години. Играј одговорно!