Конте зборуваше за трансферите и откри кој играч на Челзи би го довел во Интер

Новиот тренер на Интер, Антонио Конте после претставувањето се соочи со италијанските новинари кои ги интересираше што размислува за преодниот рок.

Поранешниот тренер на Челзи и Јувентус утрово беше промовиран како нов стратег на Интер.

После изјавите со кои се претстави Конте добиваше прашања за летниот преоден рок.

„Икарди? Не знам што ќе биде со него, се уште не сме разговарале. Ќе ја проценам ситуацијата и ќе донесам одлука која мислам дека е најдобра за клубот“, изјави Конте.

Потоа следуваше прашање за Ромелу Лукаку, но и тоа дали има некоја посебна желба кога се засилувањата во прашање.

„Лукаку? Прерано е да се зборува за тоа. Дали би сакал да доведам некој кој сум го тренирал во Челзи? Ако морам да кажам едно име, тогаш тоа нека биде Канте“, заклучи Италинецот.

Интересно е што за Един Џеко кој на големо се поврзува со трансфер во Интер, Конте не доби ниту едно прашање. Денес медиумите во Италија пишуваат дека Џеко е во Милано каде што ги договара последните детали со Интер.

Дополнително таквите гласини се подгреани си тоа што Џеко се уште не е со репрезентацијата на Босна.