Калин со победа го започна новиот турнир во Мадрид

Најдобриот македонски тенисер Калин Ивановски успешно го стартуваше новиот фјучерс турнир во Мадрид.

Ивановски на турнирот има улога на петти носител, а денес се соочи со Марат Шарипов од Русија. До победата Ивановски дојде за еден ипол час со 2:0 во сетови (6:4, 7:5).

Вториот наш тенисер кој настапува на овој турнир Обрад Марковски беше поразен од Лука Виденман од Германија со 2:0 во сетови (7:6, 7:5).

Наградниот фонд на овој турнир кој се игра на тврда подлога изнесува 15.000 долари.