Ивана Џатевска се пресели во Унгарија

Унгарскиот женски ракометен клуб Кишварда бараше замена за повредената Грета Сапи која ќе биде надвор од терените до крајот на тековната сезона.

Кишварда ја пронајде замената во Македонија, од редовите на ЖРК Чаир Скопје ангажирајќи ја нашата репрезентативка Ивана Џатевска.

Џатевска која игра на позицијата пивот, претходно ги бранеше и боите на ЖРК Вардар.

Ги помина сите младински категории, а со најдобрата репрезентација беше дел од Европското првенство 2022.

Воедно од нејзиниот нов клуб информираат дека на Џатевска нема да ѝ биде непознат теренот во Кишварда каде годинава во април Македонија го играше баражот за СП 2023 против Украина.