Зидан: Ова ме загрижува, но нема да ви откријам што ќе и кажам на играчите

Реал Мадрид синоќа го пречека Алавес, но неочекувано беше поразен со 2:1.

Реал пред некој ден го победија Интер во Милано, но синоќа беа поразени од Алавес во Ла Лига. Тренерот на Реал за сега не знае која е причината за тоа.

„Немам никакво објаснување. Кога примивме гол на почетокот, работите за нас се искомплицираа.“ – рече Зидан и додаде:

„Пред некој ден во Милано одигравме добар натпревар, а ова вечерва…Тоа е реалноста, нашата реалност. Она што мора да го направиме е да продолжиме да работиме, да ги опоравуваме играчите и ја менуваме динамиката.“

На прашањето што ќе им каже на играчите после овој пораз, Зидан одговори: „Морам да пронајдам решение со играчите. Нема тоа да го кажам тука. Не смееме да размислуваме само за негативните работи, мора да видиме што сме направиле добро и да се обидеме да бидеме доследни.“

„Ова е најлошиот почеток на сезоната. Не можевме да ја промениме динамиката на играта и тоа ме загрижува.“ – додаде Французинот.

Реал во вторник патува во Украина на натпревар во ЛШ против Шахтјор.