Фудбалерите на Евертон синоќа доживеаја уште еден дебакл во Лигата на Европа, Овој пат на својот „Гудисон Парк“ беа декласирани од страна на Аталанта со резултат од 1:5.
Аталанта поведе уште во 12. минута преку Кристанте, а со резултат од 0:1 и заврши првото полувреме. Меѓутоа, гостите во второто полувреме постигнаа уште четири гола. За Аталанта во вториот дел постигнаа Кристанте, Госенс и два пати Корнелиус.
Шанса да станеш YouTuber! Приклучи се! ↓↓↓
Ова за Евертон беше трет пораз во серија во групата Е во Лигата на Европа, додека Карамелите по пет кола во групната фаза на своето конто имаат само еден бод.
Ова за еден претставник од англиската Премиер лига е многу лош резултат што говори и фактот дека само еден англиску клуб има ваков учинок во минатото. Имено, само Блекбурн во сезоната 1995/96, по првите пет европски натпревари на своето конто имаше само еден бод.