Диабала: „Сите му помагаме на Роналдо да постигнува голови“

Крилниот играч на Јувентус, Паоло Диабала синоќа го прекина голгетерскиот пост со голот против Болоња во првите минути од натпреварот во рамките на Серија А, а по натпреварот помеѓу останатото изјави дека целиот тим работи на тоа Роналдо што повеќе да постигнува голови.

Португалецот пред почетокот на оваа сезона пристигна во клубот и стана првата напаѓачка опција, а Диабала вели дека на крајот не е толку важно кој ќе постигне гол, туку најважно е дека тимот ќе победи.

„Што се однесува до моите голови, тие ќе ми дадат дополителна самодоверба, иако ја имав од претходно. Работам напорно да играм добро. Мојата соработка со Роналдо напредува од ден во ден. Сите веруваме и се обидуваме да му помогнеме да постигне што повеќе голови. Мене не ми е важно кој ќе даде гол, туку дали екипата ќе победи“, изјави Аргентинецот.

Следен натпревар на Јуве во Серија А е против најголемиот конкурент Наполи во сабота од 18:00 часот.