Германски бизнисмен со предлог до Баерн: Сака да го доведат Роналдо, а тој да го финансира трансферот!

Германскиот бизнисмен Маркус Шон (48) даде предлог на директорот Оливер Кан како да го доведе Кристијано Роналдо.

Португалецот на 38-годишна возраст одлучи да направи трансфер во Ал Наср од Саудиска Арабија, а претходно се поврзуваше со Баерн, но Баерн не се одлучи да го доведе. Сега Шон испрати предлог до гигантот од Минхен.

„Ние (една од неговите фирми) би можеле да го платиме трансферот или некаква позајмица“, изјави Шон во интервјуто за „Аbendzeitung Munchen“. Шон призна дека е голем фан на Роналдо и би сакал да го види како игра за Баерн пред да ја заврши кариерата.

Шон е спремен една од неговите фирми која се занимава со продажба на градежни материјали да учествува во трансферот, а за возврат бара процент од продажбата на дресови. Баерн се уште не одговорил на овој необичен предлог, меѓутоа поради годините на Португалецот тешко е да се поверува дека би влегле во ваква „акција“.