Гвардиола: Силва е апсолутна легенда

Менаџерот на Манчестер Сити, Пеп Гвардиола посебно го пофали Давид Силва после победата над Њукасл.

Манчестер Сити го декласираше Њукасл со 5:0, а Силва во победата учествуваше со две асистенции и еден гол.

„Нивото на кое игра, мислам дека тоа е најдобро оваа сезона. Игра фантастично. Навивачите нема да бидат тука, но Силва ќе се врати да се прости пред нив. Тој е апсолутна легенда. Може се со топката, на мал простор, никогаш не сум видел играч како што е Давид“, изјави Гвардиола.