Гатузо потпишува нов догово со Наполи

Претседателот на Наполи, Аурелио Де Лаурентис неодамна призна дека е многу задоволен од работата на тренерот, Џенаро Гатузо.

Денес италијанските медиуми пренесуваат дека двете страни постигнале договор за продолжување на соработката до 2023 година.

Гатузо пристигна пред неколку месеци како замена за Анчелоти и иако првично се споменуваше како привремено решение, сепак ја придоби довербата на раководството.

Наполи под водство на Гатузо го освои трофејот во Купот и игра одлично во шампионатот, па клубот му предложи нов договор.

Во наредните денови се очекува и официјално Гатузо да стави потпис на нов договор и да се обврзе на верност со Наполи до 2023 година.