Гатузо не се појавил на вчерашниот прес затоа што му се затворило окото

Tренерот на Наполи Џенаро Гатузо не се појави пред камерите после натпреварот против Реал Сосиедад во Лигата на Европа.

Многумина беа изненадени зошто Гатузо не се појави пред новинарите откако неговиот тим со ремито 1:1 помина во 1/16 финалето како првопласиран на табелата.

Место него на новинарите им се обрати неговиот помошник тренер Џиџи Ричио кој објасни зошто Гатузо не бил во можност да зборува.

„Гатузо има проблем со окот. Тоа е проблем со кој живее веќе некое време. Понекогаш му се затвара како што се случи вечерва. Потоа работите се враќаат во нормала“, изјави Ричио.

На една од фотографиите од натпреварот може и да се види моментот кога десното око на Гатузо е полузатворено.