Ван Бастен: Јас сум 18 пати подобар од Вернер

Легендарниот напаѓач, Марко ван Бастен, нема позитивно мислење за квалитетите на напаѓачот на Челзи, Тимо Вернер. 

Вернер минатото лето пристигна во Челзи како големо засилување, но не ги оправда очекувањата, напротив, стана мета за потсмев поради неговите големи промашувања.

Еден од најдобрите напаѓачи на сите времиња смета дека германскиот репрезентативец не е на ниво да игра за европски гигант.

„Дури мислам дека и квалитетите му се скромни. Бев најмалку 18 пати подобар од него. Тој не може да биде голгетер од светска класа и не треба да игра за голем клуб“, порачал Ван Бастен.

Марко ван Бастен во својата кариера настапуваше за Ајакс и за Милан, и три пати ја освои „Златната топка“.