Репрезентацијата на Македонија ги заврши овие јануарски подготовки и сега останува само да чекаме и да видиме дали како прва резерва ќе бидеме повикани да настапиме на СП.
Вчера со комбиниран состав и вторпат го победивме Чиле. Против Чиле игравме без капитенот Кире Лазаров, Стојанче Стоилов, Дејан Манасков…како и со неколку ракометари кои првпат играат заедно.
Последно коло - кој шампион, кој во ЛШ, кој со награди на Fantasy!? ↓↓↓
Селекторот Данило Брестовац порачува дека веќе знае со кој соста би одела Македонија на СП.
„На овие натпревари повеќе внимавмавме на одбраната, корегиравме некои работи. Момците се млади и им треба време за да дојдат на едно повисоко ниво. Сепак, овие дуели со Чиле не некое мерило, она што најмногу ме радува е односот кој го имаат кон ваквите натпревари. Не е лесно да влезеш, па за брзо да излезеш за да се направи таа ротација. Ова се млади играчи кои сакаат минутажа и сакаат повеќе да играат, но мораат да се навикнат дека така ќе функционираме во репрезентацијата“.
„Горе-долу веќе знам кои 10-12 играчи ќе бидат носители на играта. Вие што бевте присутни на натпреварите видовте дека отприлика ова е репрезентацијата која ќе игра на ЕП во Словачка и Унгарија ако се пласираме. Во главно сум задоволен и мислам дека сме на добар пат“, изјави Брестовац.
Ќе потсетиме, ние чекаме да видиме дали некоја од репрезентациите ќе го откаже учеството за ние да добиеме повик. Такво нешто најмногу може да се случи со Шведска и Чешка кои имаат големи проблеми со коронавирусот во нивните репрезентации.
Учество во игри на среќа е дозволено за лица со 18+ години. Играј одговорно!