Брестовац: Тука дојдовме да учиме, мораме да имаме посериозен пристап

Македонија денес доживеа уште еден убедлив пораз на Светското првенство во Египет.

Русија денес нашата селекција ја победи со 20:32. Селекторот Данило Брестовац причината за поразот ја гледа во лошиот пристап.

„Пристапот на денешниот натпревар беше лош и тоа ни се повторува веќе петти пат на ова првенство. Денес видовме и добри моменти, но тие беа премалку за да направиме нешто позитивно. Мислам дека првото полувреме беше клучно за победата на Русија, мораме да имаме посериозен пристап. Дојдовме тука да учиме, важна ни беше втората тунда. Имаме млад тим и секој натпревар е искуство плус“, изјави Брестовац.