Бојан Миовски на мета на еден од најголемите клубови во Унгарија

Младинскиот репрезентативец на Македонија, Бојан Миовски игра одлична сезона во дресот на унграски МТК.

Миовски на стартот од сезоната пристигна во МТК од Ренова, се прилагоди и веднаш почна да тресе мрежи во Унгарија. За викендот беше стрелец и во ремито 2:2 против Хонвед. Со овој гол Миовски стигна до бројката од шест погодоци и е трет стрелец во унгарското првенство.

Ваквите настапи на Миовски не останаа незабележани и од еден од најголемите клубови во Унгарија, Ференцаврош. Унгарските медиуми пишуваат дека овој тим ќе се обиде во зимскиот преоден рок да го доведе Миовски.