„Бисерот“ од Динамо Загреб на чекор до Рома

Италијанските медиуми пренесуваат дека Рома го договорила трасферот на „бисерот“ на Динамо Загреб, Анте Чориќ.

20-годишниот офанзивен играч за врска беше мета на многу европски гиганти, меѓу кои и Ливерпул. Но спортскиот директор на „волчицата“, Мончи успеа да ја победи конкуренцијата.

„Калчомеркато“ пренесува дека двата клуба веќе постигнале начелен договор и Чориќ од следното лето ќе се пресели на „Олимпико“.

Рома за неговиот потпис на Динамо Загреб ќе му плати 12 милиони евра, а Хрватот ќе потпише 5-годишен договор.

Чориќ има 128 настапи за Динамо Загреб на кои постигна 27 гола, а во 2016 година дебитираше и за хрватската репрезентација.