Ајакс реагираше на објава на Барселона за Де Јонг и испрати провокација до Реал

Играчот на Ајакс Френки Де Јонг се прости од домашната публика на „Јохан Кројф Арената“.

Победата за викендот од 4:1 против Утретехт во претпоследното коло од холандското првенство беше последен домашен натпревар за Френки Де Јонг како играч на Ајакс.

Де Јонг пред неколку месеци го обезбеди трансферот во Барселона за сума од 80 милиони евра.

По тој повод Барселона му посака добредојде на Де Јонг преку својот Твитер профил. Каталонците објавија видео од Де Јонг и напишаа: „оставете ♥ ако се радувате на доаѓањето на Френки“.

Hit ❤️ if you're looking forward to Frenkie's arrival https://t.co/kaIus6C9qR

— FC Barcelona (@FCBarcelona) May 13, 2019

На оваа нивна објава следуваше одговор од Ајакс преку кој испратија мала провокација до најголемиот ривал на Барселона, Реал Мадрид.

„Па не сме баш сигурни дека на доаѓањето на Де Јонг во Шпанија се радуваат сите“.

Ќе потсетиме Ајакс оваа година го елиминираше Реал Мадрид од Лигата на шампионите откако со 1:4 ги победија на „Бернабеу“.

Not everyone is looking forward… ? https://t.co/zNIGDicXbX pic.twitter.com/xEyECICWEc

— AFC Ajax (@AFCAjax) May 13, 2019