Арда Туран прави изненадувачки трансфер?

Aрда Туран е без клуб, меѓутоа нема многу клубови кои се интересираат за неговиот потпис.

Откако на 30 јуни истече неговиот договор со Барселона која ја напушти пред две години и беше испраќан на позајмица, Туран сега е слободен да преговара. Единствен конкретен засега е само Хановер.

Германскиот второлигаш верува дека финансиски би можеле да си го дозволат Туран, тоа го потврди и директорот на клубот.

„Ако успееме да се договориме околу финансиите Арда Туран ќе ни се придружи во наредната сезона“, изјави Кенан Кочак.

Туран во Барселона пристигна летото 2015 година од Атлетико за 34 милиони евра, но никогаш не ја достигна формата од Мадрид.

Со доаѓањето на Ернесто Валверде тој стана вишок и беше испратен на позајмица во Башакешир, но турскиот клуб го раскина договорот со него поради проблеми со дисциплината.