Ако не случи „чудо над чудата“ Меси ќе освои големо признание

Борбата за најдобар стрелец во Европа за 2018 година се уште не е официјално завршена , но после натпреварот помеѓу Јувентус и Сампдорија јасно е кој ќе го понесе тоа големо признание.

Титулата за најдобар стрелец во календарската година ќе му припадне на Лионел Меси кој постигна 51 погодок за Барселона и Аргентина, додека Кристиано Роналдо со денешните два стигна до бројката од 49 погодоци.

Најголема конкуренција на Португалецот и Аргентинецот им правеа Роберт Левандовски (46) и Мохамед Салах (42), па така можеме да кажеме дека теоретски само уште Салах има шанси, но треба против Арсенал да постигне 10 погодоци.

Лионел Меси ја завршува годината со споменатиот број на голови, освоена титула во Примера, шпански куп и Суперкуп, европска „Златна копачка“ и титулата за најдобар играч во Примера за 2017/2018.

Кристиано Роналдо во изминатата година ја освои Лигата на шампионите со Реал Мадрид и беше најдобар стрелец во најелитното европско натпреварување.