![](https://sportski.mk/wp-content/uploads/2024/04/Screenshot_14-1-850x491.jpg)
Имајќи го предвид сето она што го постигна во кариерата, многумина со право тврдат дека Лука Модриќ е eден од најдобрите во историјата на Реал Мадрид.
Капитенот на хрватската репрезентација и на 38 години игра важна улога во кралскиот клуб, но според одредени информации од Шпанија, одличниот играч за врска размислува и за крај на својата играчка кариера.
Лига Нации: Се освен прво место ќе биде катастрофа за Македонија! ↓↓↓
Имено, новинарот на популарното шпанско шоу „Ел Чирингито“, Едуардо Инда откри дека Модриќ се откажал од заминување од Мадрид поради намалената минутажа и дека пред себе има две опции, пишува „Индекс“.
Едната е да остане во Реал без разлика на минутажата до следната година кога ќе заврши со играњето, а другата е да го направи тоа веќе летово по Европското првенство во Германија.
Наводно, Модриќ сака да ја заврши кариерата како играч на Реал, а би сакал да избегне преселба главно поради семејството кое му е на прво место. Според Шпанците тој се уште ја нема донесено одлуката, договорот со „кралевите“ му истекува на крајот од актуелната сезона.