„Чистка“ во Париз: Во ПСЖ спремни да ги продадат трите најскапи засилувања од минатото лето

Пари Сен Жермен потроши многу пари на засилувања, а голем дел од нив и се покажаа како промашувања, па во францускиот гигант и ја признаваат направената грешка.

Француските медиуми пренесуваат дека во ПСЖ се подготвени да ги продадат Рендал Коло Муани, Гонсало Рамош и Мануел Угарте. Станува збор за трите најскапи засилувања од минатото лето.

Минатото лето ПСЖ потроши повеќе од 300 милиони евра на засилувања, меѓутоа најголем дел од нив не ги оправдаа очекувањата.

Информациите се дека во ПСЖ се спремни да преговараат во случај на вистинска понуда. Коло Муани во Париз пристигна за 95 милиони евра, Рамош за 65, а Угарте беше платен 60 милиони евра.