Хрватот Анте Ребиќ се врати во Серија А

Некогашниот хрватски репрезентативец, Анте Ребиќ се врати во Серија А и ќе го носи дресот на Лече.

Ребиќ во Италија се враќа по неуспешната епизода во турски Бешикташ каде што се соочуваше и со проблеми. Медиумите шпекулираа дека може да се врати и во Хајдук, меѓутоа на крајот тоа не се случи.

Италијанскиот фудбал за Ребиќ е добро познат бидејќи претходно настапуваше за Фиорентина, Милан и Верона. Кога се останатите клубови во прашање беше дел од Сплит, Ајнтрахт и Лајпциг.