Хаос на „Пољуд“: Навивачите на Хајдук втрчаа на терен

Динамо Загреб го победи Хајдук со 1:0 на „Пољуд“ и го обезбеди местото во финалето на хрватскиот Куп.

Тимот на Ристовски за само четири дена два пати го победи најголемиот ривал, а навивачите на Хајдук не можеа да ја сокријат лутината.

Навивачката група „Торцида“ успеа да ја пробие оградата на северната трибина и во голем број втрча на теренот и се упати кон противничките навивачи.

Играчите во паника веднаш се истрчаа во соблекувалната, а полицијата спречи поголеми нереди.